Një person humbi jetën, 10 mbetën të lënduar dhe 112 të tjerë mbetën të bllokuar në ajër, si pasojë e shembjes së teleferikut në Antalia të Turqisë.
Ministri i Punëve të Brendshme Ali Yerlikaya njoftoi se përpjekjet për të shpëtuar personat e bllokuar në ajër vazhduan pa ndërprerje dhe 112 personat u evakuuan me sukses.
Në deklaratën e tij në llogarinë e tij në rrjetet sociale, ministri Yerlikaya tha se 4 helikopterë të Komandës së Rojës Bregdetare morën një rol aktiv në përpjekjet e shpëtimit.
Ministri i Shëndetësisë Fahrettin Koca në një deklaratë në llogarinë e tij në rrjetet sociale tha se:“Si pasojë e rënies së një kabine teleferiku në lagjen Konyaaltı të Antalisë, një person ka humbur jetën dhe 10 persona janë lënduar. Të plagosurit janë dërguar në spital, gjendja e tyre shëndetësore nuk është e rëndë.’.Autoritete turke njoftuan se ‘për incidentin do të nisin hetimet’.
