Të paktën nëntë persona u plagosën të hënën nga sulmi i fundit ukrainas në rajonin kufitar të Belgorodit të Rusisë, tha guvernatori lokal. Më shumë se 36 objektiva ajrore u kapën nga forcat ruse gjatë bombardimeve.
Një burrë ka marrë një plagë të rëndë në gjoks, ndërsa vajzat e tij janë prekur nga një valë tronditëse, ka shkruar guvernatori Vyacheslav Gladkov në një postim në Telegram. Të gjithë të plagosurit janë shtruar në spital.
Sulmi dëmtoi disa shtëpi, me xhamat e thyera në tetë ndërtesa të larta në qytetin e Belgorodit, ndërsa tre shtëpi më të vogla gjithashtu pësuan dëme.Një shkollë lokale dhe tre automjete, njëra prej të cilave u dogj plotësisht, u dëmtuan nga sulmi, tha guvernatori. Disa shtëpi jashtë qytetit janë gjithashtu në nevojë për riparim, sipas Gladkov.
