Një sipërfaqe e konsiderueshme me bimësi të ulët është përfshirë nga flakët në pyjet e fshatit Leminot të bashkisë Maliq.
Sipas informacioneve flakët janë përhapur me shpejtësi në zonë pasi favorizohen nga era e fortë, por për të vënë nën kontroll zjarrin punonjës të shërbimit pyjor dhe emergjencave civile e banorë të zonës kanë shkuar në vendngjarje.
Terreni i thyer malor i ka vënë në vështirësi punonjësit pasi nuk mund të shkojnë me mjetet e tyre deri te vatrat e zjarrit por po përpiqen të punojnë edhe me mjete rrethanore.
Aktualisht zjarri është duke u mbajtur nën kontroll.
Ndërkohë policia po bën të mundur zbardhjen dhe përcaktimin e shkaqeve nëse zjarri ka qenë i qëllimshëm ose jo.
