Festivali i Muzikës Baroke “Alba” ka filluar mbrëmjen e kësaj të marte në Opera.
Koncerti “Serve e padroni”, me arie, duete e simfoni, të nxjerra nga “Opere buffe napoletane”, çeli siparin për 10 koncerte të ndryshme që do të mbahen përgjatë katër muajve nga 10 grupe të ndryshëm.
Pas bashkëpunimit të suksesshëm në Festivalin e Muzikës Jazz, ngjarja muzikore organizohet me Konservatorin e Muzikës “Carlo Gesualdo da Venosa” të Potenza-s.
Gjatë mbrëmjes së parë performuan sopranoja italiane Rita Lacobelli dhe baritoni Sergio Bologna, ndërsa muzika u luajt nga orkestra “Gesualdo”.
“Opera buffa” janë quajtur veprat komike italiane, që janë kryesisht të lidhura me zhvillimet në Napoli në gjysmën e parë të shekullit të 18-të.
