Avokati Idajet Beqiri i ftuar në emisionin “Intervista e Ditës” në DritareTV foli për dyshen Berisha-Meta, hesapet e tyre me drejtësinë dhe pasurinë që kanë ata. Avokati tha se ‘familja Berisha e ka çuar pasurinë në 5 miliardë dollarë, ndërsa Ilir Meta me vjedhjen e floririt dhe asetet e ka çuar pasurinë në 3 miliardë dollarë’.
“Problemi i Ilir Metës ka të bëjë vetëm me organet ligjzbatuese të këtij vendi. Sepse Ilir Meta karrierën e vet politike e nisi si një misionar të cilin e donte Berisha ta kishte të fuqishëm dhe e hodhi në krahun e majtë në vitin 1992 vetëm që herë njëri dhe herë tjetri të ndërronin pushtetet dhe të mbronin njëri-tjetrin nga krimet që bënë dhe kishin ndërmend të bënin. Sali Berisha e dinte që Meta ishte spiun i Sigurimit. Dhe sot ia tund këtë dosje Metës në fytyrë. Ilir Metës dhe Sali Berishës nuk u vjen absolutisht turp t’u thuash tradhtarë.
Dhe e bëjnë tradhtinë hapur. Nëse Berisha është i pozicionuar më shumë serbo-rus, Meta është i pozicionuar shumë egër dhe pro shovinizmit grek. Në këtë kuadër ai i dha nënshtetësinë shqiptare Janullatosit. Ai përfiton dhe ka përfituar para prej Janullatosit dhe qarqeve shoviniste greke. Ai dhe sekretarin e Përgjithshëm të partisë së vet bëri personin që gruan e kishte sekretare të përgjithshme të Janullatosit. Vajti në Greqi hapur si ish-president, i shiti interesat kombëtare dhe nuk e përmendi çështjen çame. Madje ka bërë punë antishqiptare për ta varrosur këtë çështje. Ky Ilir Meta ka punë të mëdha me drejtësinë shqiptare. Është njeriu më i korruptuar pas Sali Berishës. Ilir Meta e ka çuar pasurinë e tij të tundshme dhe të patundshëm në 3 miliardë dollarë, edhe në bankat jashtë. Kjo edhe me floririn që vodhi dhe asetet që ka në dispozicion.”, tha avokati në DritareTV
