Detaje të reja janë zbardhur nga ngjarja e rëndë e ndodhur në Korçë, ku dy persona kanë ndërruar jetë.
Mësohet se një nga viktimat është Emiljano Pina, i cili është vrarë me armë zjarri. Ai ndërroi jetë rrugës për në spital, pasi ishte në gjendje të rëndë. Ndërkohë, viktma tjetër është Jorgo Prifti, autori i vrasjes, i cili pas krimit, qëlloi dhe veten.
Njoftimi i policisë:
Më datë 28.02.2024, rreth orës 20:25, në lagjen nr. 18, Korçë, rruga “Koço Golniku”, një shtetas ende i paidentifikuar, dyshohet se ka qëlluar me armë zjarri shtetasin E.P rreth 40 vjeç, banues në Korçë, i cili ka humbur jetën gjatë transportimit për në spitalin e Korçës.
Autori i dyshuar i krimit, pasi ka qëlluar 40-vjeçarin, dyshohet se është vetëvrarë me armën e krimit.
Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë.
Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes.
