GJKKO ka kaluar për gjykim dosjen për Rezart Taçin, kunatin e tij Artur Ballën dhe badigardin, Bledar Lilo, të cilët akuzohen nga SPAK se do pastronin 18.4 milionë euro të bosit të Cosa Nostrës Francesco Zummo.
Ndaj ish-bosit të naftës, Rezart Taçi, Artur Ballës dhe Bledar Lilës rëndon akuza për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”. Taçi është në kërkim ndërkombëtar nga autoritetet.
