Një 64-vjeçar është vënë në pranga në Himarë pasi ka ka kryer veprime të turpshme ndaj një 56-vjeçarjeje. Gjithashtu sipas njoftimit të policisë është proceduar edhe një 50-vjeçar pasi ditën e djeshme është kapur duke hedhur inerte në det në zonën e plazhit që ka në menaxhim.
Njoftimi i plotë:
DVP Vlorë/ Specialistët për Hetimin e Krimeve të Komisariatit të Policisë Himarë arrestuan në flagrancë shtetasin B. Xh., 64 vjeç, banues në Himarë, pasi ka bërë kallëzim një 56-vjeçare, se ky shtetas, në menyrë të përsëritur, ka kryer veprime të turpshme ndaj saj.
Specialistët për Hetimin e Krimeve të Komisariatit të Policisë Sarandë referuan materialet në Prokurori ku nisi procedimin penal për shtetasin A. M., 50 vjeç, banues në Sarandë, pasi ditën e djeshme, është konstatuar duke hedhur inerte në det, në zonën e plazhit që ka në menaxhim. Materialet procedurale i kaluan Prokurorisë, për veprime të mëtejshme./
