Presidenti i Ukrainës, Volodymyr Zelensky, deklaroi se 207 të burgosur janë kthyer në Ukrainë. Ndërkaq, ministria ruse e Mbrojtjes thotë se secila palë ka marrë 195 ushtarë si pjesë e një marrëveshjeje shkëmbimi, raporton Sky News.
Ky është shkëmbimi i parë i tillë që nga rrëzimi i një avioni transporti ushtarak rus javën e kaluar, për të cilin Moska thotë se transportonte 65 ushtarë ukrainas përpara një shkëmbimi të planifikuar.
Rusia pretendon se Ukraina e rrëzoi avionin dhe të gjithë 74 personat në bord u vranë.
