Një gjykatë në Guatemalë dënoi një bos droge me 808 vite burg për masakrën e vitit 2008, ku vrau 16 persona. Rigoberto Danilo Morales u shpall fajtor për bashkëpunim në vrasje.
Në vitin 2016, një tjetër drejtues i dyshuar i rrjetit të drogës, Marvin Montiel Marin, u dënua gjithashtu me burg për masakrën. Gjykata tha se e dënoi Morales me 50 vjet burg për çdo vrasje dhe tetë vjet të tjera për komplot dhe konspiracion. Megjithatë, në realitet, ligji i Guatemalës thotë se askush nuk mund të vuajë më shumë se 50 vjet burg.
Morales, 37 vjeç, u arrestua në vitin 2022 pas 13 vitesh në arrati.
Gjyqi filloi në shtator. Sipas prokurorisë, një autobus që hyri në Guatemalë nga Nikaragua dhe që transportonte viktimat u kap nga trafikantët e dyshuar të drogës. Ai gjithashtu besohej se transportonte drogë; kur zbuloi se kjo nuk ishte e vërtetë, ata ekzekutuan udhëtarët përpara se të digjnin trupat në një vend në pronësi të Marvin Montiel.
Tetë persona të tjerë, duke përfshirë Montiel dhe gruan e tij Sarah Crews, u dënuan me burg për të njëjtin rast.
