BELGJIKË- Policia belge ka gjetur piktura të vjedhura të Picasso dhe Chagall në një bodrum në qytetin e Antwerp, thanë autoritetet lokale të martën, duke shtuar se veprat e artit janë ende në gjendje të mirë.
CNN shkruan se Pikturat, “Tête” e Picasso-s dhe “L’homme en prière” e Chagall-it, u vodhën nga një koleksionist arti në Tel Aviv, Izrael, në vitin 2010 dhe kapin vlerën e 900,000 dollarëve.
Në momentin e grabitjes janë vjedhur edhe bizhuteri në vlerë prej 680 mijë dollarësh por janë gjetur vetëm pikturat.
Policia lokale kishte nisur një hetim kur një burim i informoi se një shtetas belg po i ofronte të dyja veprat e artit për shitje.
