Me Hamdi Salihin në sulm, skuadra e Neustadt sezonin e ardhshëm mund të jetë pjesë e elitës së futbollit austriak.
Sulmuesi shkodran sapo ka shënuar gol në transfertën me Wattens, duke zhbllokuar rezultatin. Në minutën e 83-të shqiptari realizon golin që e ngjit ekipin e tij në vend të parë, duke kaluar Riedin në renditjen e ligës së dytë austriake.
Neustadt fitoi 1-0 në transfertën e vështirë, duke iu falur golit të “bomberit” shqiptar.
