Një ngjarje tronditëse është shënuar ditën e sotme në Shkodër.
Bëhet me dije nga policia se mbetjet kockore janë gjendur të djegura në një gropë qymyri në fshatin Vilzë.
Paraprakisht dyshohet se mbetjet kockore i përkasin viktimës Qamil Lisaj, 67 vjeç.
“Nga hetimet e deritanishme dyshohet se 67-vjeçari ka rrëshqitur aksidentalisht në gropë, gjatë mbrëmjes së djeshme, teksa aty po digjej qymyr.”- shkruhet në njoftimin e policisë.
Njoftim i plotë:
Rreth orës 22:45, në një gropë të improvizuar për djegie të qymyrit, në fshatin Vilzë, janë gjetur mbetje kockore të djegura, të cilat dyshohet se përkasin shtetasit Qamil Lisaj, 67 vjeç.
Nga hetimet e deritanishme dyshohet se 67-vjeçari ka rrëshqitur aksidentalisht në gropë, gjatë mbrëmjes së djeshme, teksa aty po digjej qymyr.
Grupi hetimor, në drejtimin e Prokurorisë, vijon punën për sqarimin e rrethanave të kësaj ngjarjeje.
