Një natë më parë qyteti i Gjirokastrës u trondit nga një shpërthim me tritol.
Ngjarja e rëndë ndodhi në lagjen ‘Dunavati i dytë’, ndërsa lënda eksplozive ishte vendosur poshtë furgonit të tij, tip ‘Benz’ me targa GJ8067A që ishte i parkuar.
‘BalkanWeb’ mëson se shënjestër e atentatit ka qenë pronari i mjetit 34-vjeçari Gentjan Liti (në foto).
Në momentin e atentatit makina ishte parkuar pranë banesës së Litit, ku aty ishin edhe 5 anëtarë të tjerë të familjes.
Gentjan Liti është një kasap i njohur në qytetin e Gjirokastrës, ndërsa biznesi i tij është vendosur në zonën muzeale të qytetit.
Si pasojë e shpërthimit ai ka mbetur i plagosur lehtë në kokë.
Aktualisht policia po vijon hetimet për zbardhjen e ngjarjes dhe po heton në disa pista, mes tyre edhe atë për çështje pronësie.
Kujtojmë se kjo nuk është hera e parë që 34-vejcarit i vendosin tritol, pasi rreth pesë vjet më parë Litit i është bërë një tjetër atentat me lëndë eksplozive.
/bw
