I ftuar në “Top Talk”, gazetari Artan Hoxha ka folur në lidhje me aksionin e BKH, ose e quajtur si “FBI-shqiptare” në pronat e Jamarbër Malltezit, por që disa prej tyre frekuentoheshin edhe nga ish-kryeministri Berisha.
Ai tha se BKH ka shkuar tek disa prej pronave dhe se janë në kërkim edhe të pronave të tjera, që mund të mos jenë të deklaruara në emër të tij.
“BKH ka shkuar në vilën e Jamarbër Malltezit në Gjirin e Lalzit. Është ajo vila e famshme, që viteve të fundit shkon edhe pushon Sali Berisha.
Ka shkuar në të gjitha pronat që ka gjetur deri tani, sepse ata mund të jenë në kërkim të objekteve dhe të pronave të tjera. Këto që janë bërë publike sot, SPAK pretendon që i ka provuar”, tha gazetari Artan Hoxha.
