Mijëra njerëz pritet të mblidhen në Madrid të dielën për të protestuar kundër një amnistie të mundshme për ata që morën pjesë në lëvizjen e dështuar për pavarësinë e Katalonjës, gjashtë vjet më parë që e zhyti Spanjën në krizën e saj më të keqe politike në dekada.
Çështja e një amnistie u ngrit pas zgjedhjeve të përgjithshme jo-përfundimtare të korrikut , në të cilat partia në pushtet Socialiste e Spanjës (PSOE) u mposht ngushtë nga partia konservatore Popullore (PP), shkruan The Guardian.
Pavarësisht fitores së PP, PSOE, e udhëhequr nga kryeministri në detyrë, Pedro Sanchez , ka shanset më të mira për të formuar një qeveri të re. Por për ta bërë këtë, Sanchez do të duhet të mbështetet në mbështetjen e Junts, partisë së vijës së ashpër për pavarësinë katalanase të udhëhequr nga ish-presidenti rajonal katalanas Carles Puigdemont, i cili u largua nga Spanja gjashtë vjet më parë për të shmangur arrestimin për rolin e tij në organizimin e përpjekjes së njëanshme dhe të paligjshme për pavarësi.
Puigdemont, i cili jeton në mërgim në Bruksel, ka thënë se partia e tij do të mbështesë Sánchez-in vetëm nëse kryeministri i përkohshëm jep një amnisti për të gjithë ata që janë përfshirë në përpjekjen për shkëputje./
