Nuk mund të ketë humbës nëse vendose paqe në Ukrainë, ka deklaruar sot presidenti turk Rexhep Tajip Erdogan në një darkë të organizuar nga Komiteti Drejtues Kombëtar Turko-Amerikan në Nju Jork.
“Duke besuar se ‘nuk ka fitues të një lufte dhe nuk ka një humbës në paqe”, ne do vazhdojmë përpjekjet tona për zgjidhjen e konfliktit,” tha Erdogan gjatë fjalimit të tij.Në fjalimin e tij, presidenti turk vuri në dukje gjithashtu rolin gjithnjë e më kritik të Ankarasë në zgjidhjen e krizave rajonale dhe globale. Erdogan ka thënë vazhdimisht se Ankaraja favorizon rikthimin e Moskës dhe Kievit në Stamboll për bisedime.
