Një ngjarje e rëndë është raportuar këtë shtunë në Mallakastër. Sipas policisë 60-vjeçari P.J. i ka dhënë fund jetës. I moshuar dyshohet se ka konsumuar sasi medikamentesh mjekësore në varrezat e qytetit të Ballshit dhe për pasojë ka ndërruar jetë.
60-vjeçari mësohet se në gjendje të rënduar shëndetësore ka konsumuar medikamente mjekësore pranë varrit të bashkëshortes së tij. Petrit Jaupaj ishte mësues i lëndës Biologjo-Kimi në shkollën 9-vjeçari. Bashkëshortja e tij kishte ndërruar jetë rreth një vit e gjysmë më parë si pasojë e një sëmundjeje të rëndë.
Sakaq grupi hetimor po punon për sqarimin e plotë të rrethanave të ngjarjes.
NJOFTIMI
Mallakastër/Informacion paraprak
Në varrezat e qytetit të Ballshit, shtetasi P. J., 60 vjeç, dyshohet se ka konsumuar sasi medikamentesh mjekësore dhe për pasojë ka ndërruar jetë.
Grupi hetimor po punon për sqarimin e plotë të rrethanave të ngjarjes.
