Shërbimi i sigurisë së Ukrainës ka vijuar me arrestimet e zyrtarëve në vend pasi presidenti Zelensky urdhëroi largimin nga detyra të gjithë shefave të zyrave të rekrutimit pas akuzave për korrupsion.
Shërbimi i Sigurisë tha se bllokoi tre “hapësira të veçanta të largimit të paligjshëm nga Ukraina të qytetarëve të moshës ushtarake”.
Grupet kriminale përfshinin anëtarë zyrtarë nga institucionet mjekësore dhe organet e qeverisjes vendore, thuhet në deklaratë.
“Kriminelët u ofronin ndihmë shmangësve në emigrimin e paligjshëm në vendet fqinje evropiane në bazë të dokumenteve të falsifikuara ose përmes të ashtuquajturit “karton jeshil”, sipas njoftimit.
