jë ngjarje e rëndë u regjistrua mbrëmjen e kaluar në Mali, ku një 46-vjeçare nënë e tre fëmijëve u vra nga bashkëshorti i saj. Pasi e vrau Liza Mullallin, 47-vjeçari e hodhi atë në gropën e ujërave të zeza.
Babai i 46-vjeçares, Avzi Ferati thotë për mediat se vajza kishte urdhër mbrojtjeje, pasi Gjergji Mullalli e kishte dhunuar vazhdimisht. Madje babai vajzës tregon se 47-vjeçari e kishte ndjekur edhe disa herë në punë.
“Erdhëm në shtëpi, mori djali se e kishte marrë në telefon për të biseduar. Më mori djali në telefon më thotë hajde se s’ma ngre telefonin se kushedi ca ka ndodhur. Erdha në shtëpi, erdhi djali në shtëpi, lajmëruam policinë, kërkuam vërdallë derisa e gjetën ata të policëve. E kishte hedhur nga veranda. Na ndaluan policët. Se pamë më deri. Kishin konflikte, kishte 1 vit me urdhër mbrojtje. E dhunonte vajzën dhe mori urdhër mbrojtje. Një ditë gjeti shpinë hapur, më merr në telefon më thotë kishte hy njeri brenda por se di kush. Para 3 ditësh, lajmëroi policinë. S’e kishte gjetur brenda dhomë. Në punë e kishte ndjekur nja 2-3 herë. E ndoqi për t’i thënë pse më ndjek mbrapa, ai kishte ikur. Vajza e kërkoi divorcin, se e dhunonte gjithnjë ai. Kishte vajtuar tek çupa tjetër, ai e goditi deshte ta mbyste. Kishte shpëtuar vajza nga duart. Nuk është dënuar ndonjëherë”, thotë ai.
