Pas akuzave të bëra nga Partia demokratike, juristi që do të bëjë Vettingun, kandidati për KLP Kozma Jano, ka reaguar duke thënë se dokumenti që këta të fundit kanë shperndarë është një “Letër bakalli me sfond të zi dhe stilolaps blu.
Përmes një deklarate të shpërndarë për mediat, Jano mohon të ketë qenë bashkëpunëtor i Sigurimit të Shteit, ndërsa akuzat e PD i cilëson shpifje.
“Nuk jam përfshirë në asnjë marrëdhënie me Sigurimin e Shtetit, por as si individ dhe as në ushtrimin e profesionit tim, nuk kam dëmtuar asnjë person, në asnjë lloj forme, si gjatë diktaturës ashtu edhe gjatë demokracisë. Letra e bakallit me sfond të zi dhe “stilolaps blu” që u publikua sot, është një sajesë e shkruar me dorën e atyre që akuzuan, vetëm e vetëm me qëllimin e përbaltjes së emrit tim”, ka thene ai.
/AlpeNews.al/
