Presidenti rus Vladimir Putin është shprehur sot se mundësia e anëtarësimit të Ukrainës në NATO do të “krijojë tensione të mëtejshme në skenën botërore”.
Shefi i Kremlinit shtoi se ai “nuk ishte kundër garancive të sigurisë” për Kievin, por se ai nuk do t’i pranonte ato “duke rrezikuar sigurinë e Rusisë”.
Ai vazhdoi duke thënë se ofrimi i armëve të reja për Ukrainën nga partnerët perëndimorë do të “përshkallëzonte më tej” konfliktin dhe “thjesht do të përkeqësonte situatën”.
