NATO nuk duhet të nënvlerësojë Rusinë pas ngjarjeve që ndodhën gjatë fundjavës, është shprehur sekretari i përgjithshëm i aleancës, Jens Stoltenberg.
“Ne nuk duhet të nënvlerësojmë Rusinë,” tha ai pas një takimi me krerët e disa vendeve anëtare të NATO-s në Hagë, duke iu referuar tensioneve të fundit mes ushtrisë mercenare Wagner dhe pushtetit të Moskës.
Ai bëri thirrje gjithashtu për t’i dhënë sa më shumë ndihmë Ukrainës për të forcuar pozicionin e saj kundrejt Rusisë.