Endrit Bakiu dhe Fadion Çami, dy prej personave ndaj të cilëve SPAK lëshoi urdhër arrest ditën e sotme nën akuzën e grupit të strukturuar kriminal që shpërndante kanabis në formë çokollate, janë arrestuar më parë në shkurt të vitit 2021.
Bakiu, kreu i këtij grupi së bashku me Fadion Çamin janë kapur me 77 pako kanabis në formë çokollate në vendin e quajtur “Mbikalimi i Plepave” në Durrës. Endrit Bakiu është kapur teksa qarkullonte me makinën e tij tip ‘Porsche’ ku kishte fshehur pakot me marijuanë. Ndërsa Fadjon Çami u arrestua në të njëjtën mbrëmje në makinën tip ‘Audi’ pasi rezultoi të ishte bashkëpunëtor i Bakiut.
