Prostitucioni në vendin tonë duket se është kthyer në një problem të madh, teksa në kryeqytet në zona të ndryshme ky aktivitet ushtrohet hapur, edhe pse i jashtëligjshëm.
E ftuar në “Shqipqria LIVE”, avokatja Vjollca Pustina listoi disa aspekte që sipas saj janë pozitive për hapjen e shtëpive publike. Sipas saj, të gjitha vajzat që punojnë në rrugë do jenë më të kontrolluara dhe po ashtu, do ketë më shumë siguri.
“Ja aspketet pozitive nëse hapen shtëpitë publike. Së pari do mblidhen këto që janë në rrugë, nuk do dalin më kështu. E dyta do jenë më të kontrolluara. Pastaj, do ketë higjenë, që është shumë më e rëndësishme. E po ashtu, ndoshta këta që dalin në rrugë dhe bëjnë përdhunime nuk do e bëjnë më sepse do kenë një vend ku të shkojnë. E fundit, edhe shteti merr taksat.”-tha avokatja.
