Një sasi mishi, e cila do të transportohej drejt Tiranës për t’u shitur, është zbuluar brenda një furgoni në kushte skandaloze duke rrezikuar dhe sigurinë e konsumatorit.
Gjatë të shtunës, AKU zbuloi se brenda një furgoni mallarash me targa KO 3012 B dhe që drejtohej nga Kristo Mukades, transporohej mish për konsum njerezor, në kushte të tmerrshme.
Siç e shikoni edhe në foto, brenda në furgon ishin 65 kg mish.
Vetë drejtuesi i mjetit ka pranuar se e kishte për ta shitur, ndërkohë që AKU konfiskoi mjetin, sekuestroi mishin dhe gjobiti me 300 mije lek subjektin.
Po kështu, gjatë inspektimit të një restoranti në Tiranë, gjeti dhe sekuestroi 21 kg mishi keci pa vulë dhe certifikatën veterinare.
Ndaj subjektit u vendos masa e gjobes 200.000 dhe u sekuestrua mishi.
Po të shtunen, inspektoret e AKU, në një dyqan tregtimi mishi në Paskuqan, me administrator Artis Lala, konstatuan 198 kg mish pa certifikatën veterinare dhe pa vulë.
Për këtë arsye, AKU gjobiti subjektin me 300000 lek, si dhe konfiskoi mishin, një frigorifer dhe veglat e punës.
AKU, për çdo rast, pati dhe mbështetjen e policisë, ndërsa aksiome me bllokime e sekuestrime ka pasur dhe në Fier, Vlorë e Gjirokastër.
