Kremlini ka shprehur sot synimet “shumë ambicioze” që ka me Turqinë.
Deklaratat e zëdhënësit të Kremlinit, Dmitry Peskov vijnë një ditë pas rizgjedhjes së Recep Tayyip Erdoğan për një mandat të radhës pesëvjeçar në krye të qeverisë.
Kujtojmë se presidenti turk mban një marrëdhënie të fortë personale me homologun e tij rus Vladimir Putin.
“Ka një vrull mjaft të fortë në kryerjen e programeve të përbashkëta (midis Moskës dhe Ankarasë) dhe ne shpresojmë se ky ritëm do të mbahet, qëllimet janë shumë, shumë ambicioze,” u tha gazetarëve zëdhënësi i Kremlinit Dmitry Peskov.
Ndërkohë, nga ana tjetër ministri i Jashtëm i Rusisë, Sergei Lavrov ka paralajmëruar se marrëveshja e grurit, ndërmjetësuese për të cilën është edhe Turqia, mund të jetë në rrezik.
Lavrov deklaroi sot se marrëveshja e Detit të Zi nuk do të zgjatet më tej nëse nuk përmbushet një marrëveshje e OKB-së me Moskën për të kapërcyer pengesat ndaj eksporteve të grurit dhe plehut rus.
