Gjykata e Lartë e Pakistanit ka vendosur se arrestimi i ish-kryeministrit Imran Khan, i akuzuar për korrupsion këtë javë ishte i paligjshëm. Gjykata urdhëroi lirimin e menjëhershëm të Khan.
Partia e tij PTI tha se rasti kundër tij është i motivuar politikisht. Të paktën 10 njerëz janë vrarë dhe 2,000 janë arrestuar ndërsa protestat e dhunshme kanë përfshirë vendin që kur ai u arrestua.
Të mërkurën Khan u padit me akuzat se ai shiti në mënyrë të paligjshme dhurata shtetërore gjatë mandatit të tij të kryeministrit, në një çështje të ngritur nga Komisioni Zgjedhor. Ai i mohoi akuzat dhe tha se i kishte përmbushur të gjitha kërkesat ligjore.
Ishte i pari nga dhjetëra çështjet kundër tij në të cilat ai u akuzua zyrtarisht. Për muaj të tërë ai i ishte shmangur arrestimit, me përkrahësit e tij që nganjëherë bënin beteja të forta me policinë për ta mbajtur atë jashtë paraburgimit.
