Pas sulmeve në Serbi disa ditë më parë nga ku mbetën të vdekur 17 persona, presidenti i Serbisë, Aleksandër Vuçiç ka deklaruar se deri më tani janë dorëzuar gjithsej 3 mijë armë pa leje.
Ministria e Brendshme e vendit u kërkoi të dielën qytetarëve të dorëzojnë të gjitha armët e paregjistruara ose do të përballen me dënimin me burg, shkruajnë mediat serbe.
“Ky është një lajm i mirë. Ne siguruam një prani të madhe të policëve në shkollë dhe reagimet janë pozitive, si nga prindërit ashtu edhe nga mësuesit. Janë dorëzuar gjithsesj 3 mijë armë pa leje.
Mendoj se është një veprim i rëndësishëm dhe është mirë që filluam me të. E dija se do të kishte shumë që do të zemëroheshin, por kjo është mirë për Serbinë dhe ne jemi të gatshëm ta paguajmë këtë lloj çmimi politik”, – tha Vuçiçi.
