Kandidati i Sali Berishës dhe Ilir Metës për kreun e Bashkisë së Tiranës, Belind Këlliçi ka bërë një premtim jo shumë të zakonshëm.
Në një takim me banorët e kryeqytetit ai tha se do të punojë që t’iu sigurojë banorëve ujë 14 orë dhe jo 24 orë.
“Për ujin e pijshëm, ta përmenda vet, është një problem që nuk e keni vetëm ju. Dhe prandaj po ta them dhe një herë që padiskutim do të ndërhyjmë për ta zgjidhur këtë çështje.
Nuk ju premtoj 24 orë ujë të pijshëm. Por po të them, minimalisht me pas 14 orë ujë të pijshëm në ditë, të rregullta me orare të përcaktuara, bëhet. Stacioni do të vijë këtu në kufij ku ju duhet juve dhe ku ju shërben juve.
Në mënyrë të padiskutueshme është gjëja më e lehtë në botë. Dhe kopshtet dhe një çerdhe patjetër që do ta sistemojmë, do ta ndërtojmë sepse ka territor kjo njësi”, tha ai.
