Fluks i lartë automjetesh është konstatuar në Vlorë, ku ka pasur edhe trafik të rënduar përgjatë zonës së Skelës dhe në Lungomare.
Qytetarë te shumtë kanë shfrytëzuar ditën e pushimit por dhe motin e ngrohtë, për të iu drejtuar bregdetit.
Ata kanë shijuar rrezet e diellit këtë fund prilli por dhe ushqimin në restorantet e bregdetit të Vlorës.
Përmirësimi i kushteve atmosferike ka bërë që qytetarët dhe turistët t’i drejtohen bregdetit të Durrësit për shëtitje ose banjo dielli.
Duke nisur që nga dita e djeshme moti në vendin tonë është përmirësuar, ndërsa temperaturat në Gjirin e Durrësit arritën 18 gradë celsius në mesditë.
Sipas sinoptikanëve, e diela do të jetë dhe dita me më shumë diell dhe temperatura më të larta në bregdet, duke afruar fillimin e sezonit turistik.
