Të paktën 35 emigrantë janë bllokuar që prej ditës së djeshme, në një ishull shkëmbor në Lampedusa në Itali për shkak të motit të keq.
Rojet bregdetare italiane tentuan vazhdimisht t’i afroheshin zonës për të shpëtuar emigrantët, mes të cilëve edhe një grua shtatzënë, por ishte e pamundur për shkak të detit të trazuar.
Mediat italiane shkruajnë se vendi është duke u përballur me një mot të keq, me erëra të forta dhe dallgë të larta.
