Kryetrari i Komisionit Qendror të Zgjedhjeve, Ilirjan Celibashi u kujtoi subjekteve garuese që data 27 mars është afati i fundit, që partitë politike të dorëzojnë listën e emrave për kryetar bashkie dhe listën shumëemërore për këshillat bashkiakë.
“Në vlerësimin tim data 27 mars, mund konsiderohet afati I fundit, që subjektet zgjedhor duhet të dorëzo kë detyrimi të paraqesësh kandidatët për bashki she listën shumëemërore të kandidatëve për këshillat bashkiakë”, tha ai në “News Line” me gazetaren Viol Xhafaj.
Me një gjuhë të drejtpërdrejtë, kryetari I KQZ-së, u përgjigj edhe kritikave të bëra nga përfaqësuesit e partive politike që ai është u shantazhuar. Për këtë akuza dhe pretendime, Celibashi bëri këtë interpretim:
“Do duhet të ishin të përmbajtur. Nuk jam unë ai që duhet të jap këto këshilla. E kam shumë në vëmendje dhe në çdo aspekt si komisioner, faktin se si jam caktuar në këtë detyrë. Ka qenë një konsensus i PS, i opozitës, përfshirë PD, LSI dhe asaj kohe dhe sot PL. Pas më shumë se 30 vjetësh eksperiencë, besoj se nuk më mungon aftësia për të kuptuar dhe analizuar një fakt të tillë, por nëse dikush prej partisë, në shumicë, apo partitë e opozitës ka menduar se besimin që më dhanë për ta kryer këtë detyrë do t’u kthehet në qoka, e kanë menduar gabim.
Të kuptojnë që në fund të fundit ajo që kam vendosur është në përputhje të ligjit. Për ata mund të mos jetë kështu, por për aq kohë sa nuk kanë prova tjetër, nuk kanë arsye të adresojnë akuza, përndryshe të bëjnë publike provat që kanë, që unë jam i shantazhuar apo që punoj për interesat e x apo y personi”, tha ai.
