Avokati i Alda Klosit, Ilirjan Muho ka treguar detaje nga gjendja shëndetësore e klientes së tij, e cila përfundoi në spital pas arrestimit të saj për fshehje të pasurisë.
Në një deklaratë për mediat, pak pas vendimit të Apelit, i cili ka në fuqi masën e ‘arrestit me burg’ për Klosin, tha se ka nevojë për kujdes shëndetësor.
“Pas ndalimit, Alda Klosi kaloi një periudhë jo të mirë shëndetësore. U shtrua dhe u kurua në spital në QSUT. Doli nga spitali në gjendje disi të përmirësuar, por sipas kartelës klinike të lëshuar nga mjekët, duhet të jetë në vëzhgimin e mjekëve, pasi ka tendenca për një hipertoni që mund të sjellë pasoja për shëndetin e saj.”, tha ai.
