Bryan Cristante duket se do ta bëjë hapin e madh gjatë afatit kalimtar të verës.
Mesfushori italian është nën pronësi të Benficas por i huazuar te Atalanta deri në fund të edicionit.
E huazimi në Serie A i ka bërë mirë reprezentuesit italian i cili ka pasur një vit të jashtëzakonshëm.
Në 25 ndeshje në të gjitha garat, Cristante ka arritur të shënoj nëntë gola, gjashtë në Serie A dhe tre të tjerë në Ligën e Evropës me fanellën e Atalantës.
E formës së mirë të lojtarit iu është gëzuar më së shumti Benfica e cila po pret të fitojë nga ai.
Sipas medieve italiane në garë së fundmi është futur edhe Roma që po e kërkon transferimin e tij në verë.
‘Giallorosët’ mund ta humbasin Radja Nainggolanin dhe Cristante shihet si zëvendësuesi i tij.
Benfica është e gatshme ta lë të lirë lojtarin nëse paguhet shuma prej 30 milionë eurove.
Gjithsesi Roma nuk do ta ketë të lehtë transferimin e tij pasi në garë janë edhe Juventus e Napoli.
