I ftuar mbrëmjen e së enjtes ne emisionin “Opinion”, shefi i Organizimit në PD Klevis Balliu ka deklaruar se kandidatët e primareve do kandidojnë me logon e PD në zgjedhjet lokale të 14 Majit.
Balliu theksoi se aksioni dhe lufta kundër Edi Ramës bashkon PD.
“Ne do hyjmë në zgjedhje patjetër. Edi Ramës do t’i varen te kyçet byrzylyqet që i takojnë. Sot këtu po heton Departamenti i Shtetit, Drejtësisë. E gjithë opozita sot dhe ata që mund të mendojnë ndryshe nga mua, e gjithë opozita do të jetë në shesh, kjo ka rëndësi. Aksioni na bashkohen ne, ne na bashkon lufta kundër Edi Ramës. Në zgjedhje do na bashkojë vota. Një kandidat ka. Kandidatët e dalë nga vota. Çfarë u tentua me McGonigal? Ekzekutimi i opozitës.
Kandidatët e primares do kandidojnë me logon e PD. Nuk do kandidojë me Shtëpia e Lirisë, do kandidojë me logon e PD dhe pikë, është çështje e mbyllur. Kush tenton të vjedhë opozitën do marri atë që i takon”, u shpreh Klevis Balliu.
