Një balonë kineze e dyshuar si spiune e cila u rrëzua nga forcat amerikane këtë javë ka qenë e aftë për të mbledhur sinjale komunikimi ka zbuluar një zyrtar i Departamentit të Shtetit në Amerikë.
Sipas tij balona e cila në fillim u pretendua se kishte synim mbledhjen e informacioneve meteorologjike, ishte e pajisur me disa antena të cilat ishin të afta për mbledhjen e informacioneve të ndryshme.
Të enjten, ligjvënësit amerikanë miratuan një rezolutë jodetyruese që dënon Kinën për balonën, por nga ana tjetër Pekini ka mohuar se ajo është përdorur për qëllime spiunazhi.
SHBA, megjithatë, beson se balona është pjesë e një flote më të gjerë balonash vëzhgimi që ka përfshirë pesë kontinente.
Ligjvënësit e Dhomës së Përfaqësuesve e quajtën balonën një “shkelje të pacipë të sovranitetit të Shteteve të Bashkuara” pasi organi votoi 419 pro dhe 0 për të dënuar përdorimin e saj të enjten.
Shfaqja e saj në hapësirën ajrore të SHBA-së ka provokuar një krizë diplomatike dhe ka bërë që Sekretari amerikan i Shtetit Antony Blinken të anulojë një udhëtim në Kinë, që do të shënonte takimin e parë të nivelit të lartë SHBA-Kinë prej vitesh.
