Letrat sekrete nga Princesha Diana, dërguar miqve të saj, duke detajuar divorcin nga mbreti Charles kanë dalur në ankand. Paratë do të jepen për bamirësi të ndryshme që Diana, e cila vdiq në 1997, kishte mbështetur gjatë jetës së saj.
Familja Kassems po i vendos memorandumet, që vlerësohet të shiten për rreth 111,000 dollarë, në 16 shkurt me Lay’s Auctioneers me bazë në Cornwall. Një nga shënimet që do të shitet është i datës 28 prill 1996 dhe përshkruan ndjenjat e Dianës gjatë marrëdhënies me Charles.
“Po kaloj një kohë shumë të vështirë dhe presioni është serioz dhe vjen nga të gjitha anët”, ka shkruar ajo. “Ndonjëherë është shumë e vështirë të mbash kokën lart dhe sot jam në gjunjë. Dëshiroj vetëm që ky divorc të kalojë pasi kostoja është e madhe. Nëse do ta dija se çfarë do të përjetoja nuk do ta kisha pranuar kurrë. Është e dëshpëruar dhe e shëmtuar”, vazhdoi shënimi.
Në një mesazh tjetër të shkruar më 19 dhjetor 1995, Diana reflektoi se sa shumë i pëlqente të ishte në shoqërinë e Kassems: “Mund të më përshkruani si një flutur, por nukua të largohem nga kjo familje e dashur. Jam jashtëzakonisht e prekur nga sa mbrojtës jeni të dy ndaj meje”, shtoi ajo. “Nuk jam mësuar me këtë. Unë nuk kam pasur kurrë më parë një dashuri dhe mbështetje të tillë nga një cift i martuar.”
“Susie & Tarek ndihen jashtëzakonisht të privilegjuar që patën mundësinë të njihen me Princeshën kaq nga afër,” tha shtëpia e ankandeve. “Pronësia e këtyre dokumenteve prekëse është një përgjegjësi që Kasemët nuk duan t’ua kalojnë fëmijëve apo nipërve të tyre. Familja Kassems do të dëshironte t’u jepte njerëzve të tjerë mundësinë për të marrë “një kujtim” të Princeshës.”
