Një vrasje e dyfishtë është regjistruar ditën e sotme në fshatin Tërvol të Gramshit.
Burime bëjnë me dije se një person ka vrarë me armë gjahu gruan dhe më pas vëllain e tij. Mësohet se autori është shtetasi Xhevit Sinani, i cili ka vrarë gruan e tij Zegjine Sinani dhe vëllain e tij Shaqir Sinani.
Policia është vënë në ndjekje të autorit. Ende nuk dihen rrethanat e ngjarjes dhe shkaku i këtij krimi tronditës brenda familjes.
Mësohet se pas kësaj tragjedie, autori ka marrë në telefon fëmijët dhe u ka thënë se ka vrarë mamanë dhe xhaxhanë.
