Kryetari i Komunës së Prizrenit, Shaqir Totaj, në orët e vona të mbrëmjes së djeshme është kanosur nga dy persona. Mediat e Kosovës bëjnë me dije se lajmi është konfirmuar nga zëdhënësi i Policisë së Kosovës i cili ka deklaruar se Totajt i janë dërguar mesazhe kërcënuese.
Sipas policisë, rasti dyshohet se ka ndodhur për një pronë që pengon rrugën në transit.
“Personi i dyshuar nuk ka qenë i kënaqur me vlerësimin e pronës që i ka bërë komuna”, ka sqaruar zëdhënësi i policisë.
Dy të dyshuarit janë arrestuar dhe janë marrë në pyetje.
