Një ditë para se Gjykata Kushtetuese të nisë shqyrtimin për çështjen e mandatit të Olta Xhaçkës, Kryetari i Partisë Demokratike, Sali Berisha thotë se Amnat Josifi ka mobilizuar të gjithë potencialin e tij financiar me qëllim për të ndikuar në vendin e Gjykatës Kushtetuese.
Berisha në një deklaratë për mediat i bëri thirrje gjykatësve që ta gjykojnë çështjen me paanësi, bazuar në interesin dhe ndërgjegjen kombëtare.
Vitin e kaluar Gjykata Kushtetuese vendosi të marrë në shqyrtim në seancë plenare kërkesat e opozitës për t’i hequr mandatin e deputetes, ministres së Punëve te Jashtme, zonjës Olta Xhaçka dhe seanca e pare do te zhvillohet neser.
Berisha: Kushtetua e Shqipërisë ka qindra nene, por një nga këto nene është neni i artë i saj. Është neni që nuk lejon deputetët dhe ministrat të pasurohen gjatë periudhës që ushtrojnë detyrat, përveç rrogës. Ky nen është shkelur në mënyrën më flagrante kur ministrja Xhaçka siguron për burrin e saj strategjik statusin e investitorit strategjik. Xhaçka implikon kunatën e saj amerikane me banim në Boston si bashkëpronarë ne këtë aferë të tmerrshme korruptive.
Amant Josifi i lidhur kokë e xhep me Olsi Ramën dhe Olta Xhackën ka mobilizua potencialin e tij financiar për të ndikuar në vendimin e Gjykatës Kushtetuese.
Unë jam sot para jush për tu bërë thirrje gjykatësve të gjykojnë nesër me paanësi, të gjykojnë nesër bazuar në ndërgjegjen e tyre interesin kombëtar dhe kushtetutën e vendit. Gjykimi i nesërm është një prove e fuqishme e triumfit të kushtetutës dhe neneve të saj dhe dështimit për faqe të zeze të grupit kriminal që po përpiqet me të gjitha format të ndikojë në këtë vendim me një rëndësi të jashtëzakonshme
