Numri i të vdekurve nga një sulm me raketa ruse në një bllok apartamentesh në qytetin juglindor të Ukrainës, Dnipro, ka shkuar në 35. Kryetari i bashkisë së qytetit ka paralajmëruar se mund të mos ketë më të mbijetuar mes 44 personave të raportuar si të zhdukur, shkruan CNN.
Presidenti ukrainas Volodymyr Zelenskyy raportoi se të paktën 73 persona u plagosën dhe 39 persona ishin shpëtuar që nga pasditja e së dielës. Në fjalimin e tij të natës, udhëheqësi i Ukrainës kaloi në gjuhën ruse për të dënuar bashkëpunimin e qytetarëve rusë.
Kiev, Kharkiv dhe Odesa u goditën gjithashtu të shtunën në sulme që Moska tha se kishin në shënjestër infrastrukturën ushtarake dhe energjetike të Ukrainës.
