Maroku është shteti që qëndron skandalit të ryshfetit që përfshiu Parlamentin Europian me protagonistë ish-deputetin italian Antonio Panzeri, eurodeputeten greke Eva Kaili dhe bashkëshortin e saj, Francesco Giorgi sipas “Spiegel”.
Me titullin “Marokgate”, media gjermane thekson në artikullin e saj se Maroku ka luajtur një rol më aktiv se Katari në skandalin e korrupsionit.
Shërbimet e huaja të inteligjencës së Marokut dyshohet se “kanë korruptuar eurodeputetët për të lartësuar Katarin”, shkruan Spiegel.
Dihet se Katari luan një rol të rëndësishëm në skandalin e ryshfetit në Parlamentin Evropian. Megjithatë, siç shkruan revista gjermane, Maroku ka pasur një pjesëmarrje edhe më aktive nga sa besojnë autoritetet belge.
Dokumentet e klasifikuara të siguruara nga revista gjermane shprehen në mënyrë karakteristike se shërbimi i inteligjencës së jashtme të Marokut “DGED” është përfshirë në nivelin më të lartë të skandalit të korrupsionit dhe ryshfetit.
Për autoritetet belge, shërbimet “DGED” konsiderohen qendra e spiunazhit të Magrebit. Megjithatë, sipas dokumenteve që revista gjermane ka në “duar”, DGED dyshohet se ka punësuar tre italianë nga viti 2019: ish-deputetin, Pier Antonio Panzeri , eurodeputetin aktual, Andrea Cozzolino si dhe ndihmësin e tij, Francesco Giorgi, partneri i Eva Kaili.
Shërbimet e inteligjencës së Marokut, sipas “Spiegel”, paguanin bashkëpunëtorët e tyre për të ndikuar në grupin e socialdemokratëve në Parlamentin Evropian për Katarin.
Kreu i 3 italianëve ishte ambasadori aktual maroken në Poloni, Abdelrahim Atmoun, sipas revistës “Spiegel”.
Ata ishin në kontakt të drejtpërdrejtë me Drejtorin e Përgjithshëm të Shërbimeve Sekrete të Marokut, Mohamed Yassin Mansouri .
Panzeri, Kaili dhe Giorgi ndodhen në burg të akuzuar për “organizim kriminal, korrupsion dhe pastrim parash”, por qeveria e Dohas mohon çdo përfshirje në skandalin e korrupsionit.
Më 15 dhjetor, eurodeputetët miratuan një rezolutë me një shumicë të qartë në të cilën ata dënuan ashpër Katarin për ushtrimin e ndikimit përmes eurodeputetëve.
