Një provokim ekstrem i presidentit shqiptar, Bajram Begai në prag të vizitës së kryeministrit grek në fshatrat me minoritet grek në Shqipëri”, kështu shkruan Protothema në një artikull të saj një ditë para se vendin tonë ta vizitonte kryeministri Kyriakos Mitsotakis.
Para se kreu i qeverisë greke të vizitonte fshatrat minoritarë në këtë zonë ka qenë Presidenti Begaj.
“Sipas programit të vizitës, Begaj fillimisht do të vizitonte Bashkinë e Finiqit, ku do të pritej zyrtarisht nga kryebashkiaku Kristo Kitsos. Megjithatë, ai nuk u ndal në këtë bashki, pasi mësohet se presidenti shqiptar është shqetësuar nga flamuri grek që është i vendosur në oborr, pranë flamujve të Shqipërisë dhe BE-së.
Duhet theksuar se komuna e Finiqisë njihet zyrtarisht si “rajon minoriteti” nga autoritetet shqiptare si dhe ndërkombëtarisht.
Provokimet vazhduan në sheshin qendror të fshatit Aliko, ku ndodhet një monument për anëtarët grekë të minoritetit Massios, Raftis, Kotsis dhe Mitros, të cilët u vranë nga ushtarët shqiptarë në dhjetor 1990, kur tentuan të arratiseshin për në Greqi”, thuhet në shkrim.
“Siç komentojnë zyrtarë të minoritetit grek, presidenti shqiptar nuk duket i gatshëm të pranojë se në bashkitë minoritare – në bazë të ligjit përkatës – flamuri grek duhet të valvitet jashtë ndërtesave publike. Ata theksojnë se Bajram Begaj “duhet të funksionojë si faktor institucional unifikues dhe jo si një ish-ushtarak me logjikë nacionaliste”, mbyllet shkrimi i medias greke.
