Nga 26 dhjetori shkollat do të mbyllen pasi do të nisin pushimet dimërore të cilat janë planifikuar nga Ministria e Arsimit të mbarojnë më 4 janar. Pushimet e festave të fundivitit, në institucionet arsimore, shtuar këtu edhe fundjavat, të shtunat të dielat, do të zgjasin 11 ditë. Ndërsa mësimi do të rifillojë më 4 janar.
Për shkollat 9- vjeçare, për këtë vit ndryshe nga vitet e kaluar nxënësit dhe mësuesit do të kenë një javë më shumë pushim, nga data 3 deri në 9 prill. Ky ndryshim në strukturën shkollore nuk prek gjimnazet, të cilët do të jenë pushim vetëm gjatë festave të fundvitit.
Ky vit mësimor nisi në 12 shtator dhe do të mbarojë më 14 qershor, me përjashtim të maturave të cilat përfundojnë procesin mësimor në 31 maj dhe më tej do të zhvillojnë provimet e maturës shtetërore nga 1 deri në 30 qershor.
