Ëmbëlsirat e francezes Shayna Leib mund t’ju duken mjaft të shijshme e t’ju lëshojë goja lëng prej tyre por ato kanë për qëllim vetëm të shijohen me sy.
Edhe pse këto ëmbëlsira mund t’ju krijojnë idenë se janë bërë nga një pastiçier e dekorues ëmbëlsirash mjaft i talentuar do të gaboheni.
Leib është në të vërtetë një artiste e talentuar në punët me xham dhe porcelani dhe të gjitha këto ëmbëlsira të cilat duken mjaft të shijshme e tërësisht origjinale janë në fakt punime porcelani.
Ideja e serisë prej porcelani të Shayna Leib u frymëzua nga pamundësia saj për t’u kënaqur me ëmbëlsirat dekadente.
“Asnjë ushqim nuk është aq i fuqishëm ose nuk lidhet aq ngushtë me ndjenjën e fajit, dëshirën e zjarrtë apo tërheqjen sa ëmbëlsirat. Ne festojmë ditët tona më të bukura me të, si ditëlindjet, dasmat etj”, shprehet artistja.
“Ky art filloi si një ushtrim terapeutik në ritrajtimin e mendjes për t’i parë ëmbëlsirat si formë dhe jo si ushqim”.
Siç mund ta imagjinoni që porcelani dhe xhami të marrin formën e një ëmbëlsire nuk është gjëja më e lehtë në botë madje as për një artiste me përvojë si Leib.
