Një 19-vjeçar shqiptar ka ndërruar jetë mëngjesin e kësaj të hëne në Perugia të Italisë.
Mësohet se Aurel Doda humbi jetën teksa ishte duke punuar në sektorin e ndërtimit. Ai kishte vetëm pak muaj që kishte shkuar të punonte si emigrant në Itali, dhe ishte djali i vetëm i familjes Doda nga Fishta e Lezhës.
19-vjeçari ka pësuar një aksident fatal që i ka shkaktuar vdekjen në vendin e punës.
Ngjarja e rëndë ka tronditur mbarë zonën dhe fshatin e tij të lindjes. Për të ka reaguar dhe biznesmeni lezhjan Altin Prenga.
“Aurel Doda ja theve zemrën familjes tane, na e theve zemrën si fshat, si zonë dhe ska fjalë tjera me e përshkru këtë tragjedi për fshatin tonë! Zoti të pastë në parajsë”, shkruan Prenga.
