Njerëzit që kanë qenë të pranishëm në sulmin me armë në një klub homoseksualësh në Kolorado të Amerikës janë përshëndetur si heronj pasi bënë të mundur nënshtrimin e një personi të armatosur si dhe parandalimin e të shtënave me armë që mund të rëndonin bilancin e viktimave.
Kryetari i bashkisë së Kolorados, John Suthers tha se një klient i kapi armën sulmuesit dhe e goditi me të gjatë të shtënave në klub. Një tjetër frekuentues i klubit thuhet se ndihmoi për të mbajtur të armatosurin të mbërthyer deri sa mbërriti policia.
Sulmuesi vrau 5 persona dhe plagosi 25 të tjerë përpara se të arrestohej. I dyshuari, i identifikuar nga Policia si 22-vjeçari Anderson Lee Aldrich, është tani në paraburgim.
Kryebashkiaku Suthers e përshkroi ndërhyrjen e disa klientëve të klubit si një “akt të pabesueshëm heroizmi”.
“Thirrja erdhi në polici në orën 23:57. Policia ishte në vendngjarje deri në orën 12:00 – një përgjigje jashtëzakonisht e shpejtë. Ky incident ka përfunduar në orën 12:02, dhe kjo është kryesisht për shkak të ndërhyrjes së të paktën një, ndoshta dy, individëve shumë heroikë që nënshtruan këtë djalë”, tha guvernatori.
