Kreu i PD Sali Berisha, në fjalën e tij ën Kuvend tha se opozita qëndron pranë çdo shqiptari me një kauzë të drejtë.
“Përshëndet banorët e Divjakës, që me guximin e tyre i thyen turinjtë mafias së Ramës, i përmbysën traun anti ligjor në rrugën e tyre shekullore.Opozita do qendrojë pas çdo shqiptari që ka një kauzë të drejtë”, tha ai.
Berisha foli edhe mbi procesin integrues.
“Procesi integrues, duhet të sjellë gjithnjë e më shumë Europë.
Ka ndodhur ajo që është më e rënda. Për fat të keq Shqipëria ço ditë, javë e muaj është shndërruar në një eksportues të frikshëm të krimit të Europë. Shqipëria e etiketuar nga DASH si epiqendër operacionale e organizatave kriminale, po eksportion gjithnjë e më shumë drogë krim e para të pista.
Ajo sot me indeksin më të lartë të ndërtimit në Europë që tejkalon me dy herë atë në vendet nordike, është shndërruar në vrimën e zezë të kontinentin për larjen e parave të pista.
Ligjet që miratoni e emërtimet që bëni kanë krimin e drogën si kriter themelor. Kjo është e vërteteta.
Integrimi nënkupton më shumë përgjegjshmëri, transparencë në funksionim i shtetit ligjor dhe ekonomisë së tregut”, tha ai.
