Udhëheqësit e vendeve të Grupit të Njëzet (G20) , të cilët thanë sot se “shprehin keqardhjen e tyre në termat më të fortë” për sulmin e Rusisë ndaj Ukrainës , duket se janë të ndarë .
Deklarata, e cila u miratua, thekson se shumica e anëtarëve dënojnë fuqishëm luftën në Ukrainë dhe bëjnë thirrje për “tërheqje të plotë dhe të pakushtëzuar” të Rusisë, megjithatë, siç theksohet nga Guardian , kishte pikëpamje të tjera.
G20 arriti në përfundimin se “përdorimi ose kërcënimi i përdorimit të armëve bërthamore është i papranueshëm. Zgjidhja paqësore e konflikteve, përpjekjet për menaxhimin e krizave dhe diplomacia dhe dialogu janë jetike. Në kohën e sotme nuk duhet të ketë luftë” .
Theksohet se duhet respektuar e drejta ndërkombëtare dhe se kërcënimi për përdorimin e armëve bërthamore është i papranueshëm, ndërsa përshëndetet iniciativa për eksportimin e grurit përmes Detit të Zi.
Në deklaratë theksohet gjithashtu se bankat qendrore të vendeve anëtare do të vazhdojnë të shkallëzojnë në mënyrë të përshtatshme ritmin e shtrëngimit të politikës monetare. Anëtarët e G20 përsërisin gjithashtu angazhimin e tyre për të shmangur paqëndrueshmërinë e tepërt në kurset e këmbimit, ndërsa pranojnë se “shumë monedha kanë lëvizur ndjeshëm” këtë vit.
